1. Урданай буряад зон ехэнхидээ тэнгэриин шэнжэ тэмдэг ажаглажа, сагай уларил тодорхойлдог байгаа. 2. Наранай гарахада, үүлэн халхалаа һаань, хагсуу болодог. 3. Олон үдэр соо үүлэнүүдэй дээшээ гонзойлдон байхада, хүйтэржэ эхилдэг. 4. Наранай орохо үедэ тэнгэриин хаяа улайгаад, гаража байһан үүлэндэ бүглүүлбэл, бороо саһан орохо. 5. Орохо тэнгэри оройһоо соорхой гэжэ урданай үгэ тон зүб. 6. Тэнгэри набтагар үүлээр хушагдажа, соорхойгоорнь хүхэ тэнгэри харагдаа һаань, бороо һуужа орохо гэдэг һэн. 7. Зундаа шоргоолзоной далижаад ниидэбэл, удаанай бороо орохо гэлсэдэг байгаа.