1) Хүбүүн үри өөрын, үхин үри хүнэй, хүбүүн үри эсэгын уг залгаха, басаган үри хадамайнгаа уг үнэржүүлхэ гэдэг.
2) Уг таһарха, гуламта унтарха гээшэ ехэ муу гэжэ тоологдодог байгаа.
3) Тиимэһээ хүнэй наһа барахада, "Хүбүүтэй гү?" гэжэ һурадаг ёһо байгаа.
4) Эхэ эсэгынгээ гал гуламта унтараахагүй гэһэн хүбүүн үриин нангин уялга байха.
5) Хүбүүндээ бэриие эрихэдээ, нэн түрүүн уг гарбал харадаг байгаа.
6) Уг муутын үхи бү аба гэһэн үгэ бии.
7) Хүбүүнэй гэрлэхэ болоходо, бэриингээ түрэлхидтэ хадаг табижа, түрэлхидынь худа ураг болодог.
8) Ламын зааһан үдэр хадаг табихаяа ошоходоо, ехэ олон гурим журам сахиха ёһотой.