Дасхал 3

Текст сооһоо зүйр үгэнүүдые илгагты.

Байгалай урда бэеын газар дайда эртэ урдын сагһаа Түб Азиин түүхэ соёлтой таһаршагүй холбоотой байһан гээшэ. Энэ хизаарай улад зон хэды мянган жэл соо түби дэлхэйн энэ хэһэгтэ болоһон гайхамшагта үйлэ хэрэгүүдые үзэһэн байна. Байгалай урда бэеын тон үни холын түүхын һонирхолтой хуудаһанда мүрөө үлээгшэд хүннүнэр болоно (энэ хадаа манай тоололой I зуун жэлэй һүүлһээ манай тоололой III зуун жэлэй мүн лэ һүүлэй үе байгаа). Хүннүгэй гүрэн түрэдэ олон ондоо гарбалтан байгаа. Тэдээн соо түрүүлэн хэлэбэл, олонхинь монгол, зарим тэды түнгүс, иран гарбалтай зон байһан гэхэ. Түүхын баримтануудай ёһоор хүннүшүүл хадаа Азиин нүүдэлшэдһээ бүридэһэн хүсэтэ гүрэн түрэ байгуулжа, 300 жэлэй туршада хүсэн түгэлдэр байһан бэлэй.