Дасхал 3

Мэдүүлэлнүүд сооһоо дахуулалнуудые оложо илгагты.

Урдань үри хүүгэдэйнгээ бага байхада, бүһэеэ андалдажа, худа ураг болодог байгаа. Хүбүүндээ һамга эрихэдээ, нэн түрүүн уг гарбалынь харадаг байһан юм. Уг муутын үхи бү аба гэдэг үгэ бии. Хүбүүнэй гэрлэхэ болоходо, бэриингээ түрэлхидтэ хадаг табижа, түрэлхидынь худа ураг болодог. Түрэлэй һэльбээ татажа, түрүүшын алхам, зол жаргалай эхин гэжэ хадаг табилгые нэрлэдэг байгаа. Түрэ бүтээхэ гээшэ бэлэн хэрэг бэшэ. Түрэ хүнхинэжэ, һайхан үреэлнүүд зэдэлжэ, бэлэг сэлэг баригдадаг.