Хабарай тэнгэри хагтай богтой ха юм даа. Үглөөгүүр яһала сэлмэг байһан аад, үдэ багта бүрхөөд, гэнтэ бордоһолшохо. Үгышье һаа, саһа бороо хоёр холилдон орожо байһан аад, үдэшэнь гэнтэ сэлмээд, сэнхир хүхэ нюдөөрөө зэнхын миһэржэ байха. Һүниндөө гэнтэ хагсууржа, харалган хуурай һалхин буугаад, дайдын нюрганай ялан хара болошотор үлеэхэ. Малша хүн энэ үеые эгээл хүшэр хаһа — Улаан зудан һара гэжэ нэрлэдэг (Д.Улзытуев).