УЙМАРАЙ ҮГЭДЭ БҮ ЭТИГЭ
Нэгэ хүн хэрэг бүтээхэеэ аянда гараба. Үндэр дабаанай оройдо дүтэлхэ үедөө урдаһаань ерэжэ ябаһан хүнтэй тэрэ золгоод:
— Энэ дабаанай арада аюулгүй гү? — гэжэ асуухадань, тэрэнь:
— Дабаанай саана гурбан хада, дүрбэн зайгуул, табан уһан, зургаан гол байна, — гэбэ.
Замшан айхабтар һүрдэжэ, хэрэгээ орхёод, гэдэргээ тэхэрибэ.
Уймар ухаатай хүнтэй уулзаһанаа ойлгохогүй һаа, зориһон хэрэгээ бүтээхэгүйһээ гадна, зоной дунда худал тунхаг тараажа, хооһон һэжэг һүжэрүүлжэ болохо юм гэһэн удхатай энэ домог мартахагүй шухала.
Ринчен НОМТЫН
| << гэдэргээ | гаршаг | саашаа >> |