ХУДАЛША ТОТИ ШУБУУН
Эртэ сагта Энэдхэг орондо агнуурида дуратай хаан байһан гэхэ. Тэрэ нэгэтэ агнажа ябатараа тоти шубууе олзолжо бариба. Тоти шубуун хүнэй хэлээр дуугархадаа:
— Агнажа ши ябаһаар, һамганайнгаа, хайран үриингээ ами наһые алдабаш. Малаяа гэдэг тайжа тэдэнэйшни амин голые таһалба, — гэбэ.
Энэ шубуун намайе ёролбо гэжэ хаан толгойень таһалжа хаяад, уур сухалаа орьёлуулан, Малаяа тайжада гүйлгэжэ ерэбэ.
— Хаан тайжа хүбүүе аюулда оруулаагүйбди, — гэжэ Малаяагай хэлэхэдэ, ууртаа диилдэһэн хаан:
— Муу заяата, яндан изагуурта шинии үгэдэ этигэнэгүйб! — гэжэ хашхараад, толгойень таһа сабшаба. Үһөө хороной хёморолдо абтаһан хаан хилэнсэг уураа даража ядан, Малаяа тайжын албатаниие айл аймагаарнь хюдаад, үргөөдөө бусаба.
Агнууриһаа ерэһэн эсэгэеэ хүбүүнэйнь эхэтэеэ угтажа байхыень харахадаа, хаан хайран албатанайнгаа амин голые хара мэхэдэ орожо саглуулһандаа айхабтар гэмшэжэ, бэедээ голхорһон гэхэ.
Ринчен НОМТЫН
| << гэдэргээ | гаршаг | саашаа >> |