БУРЯАД-МОНГОЛОЙ ДАСАНГУУД

Тамшын дасанай найр

XVIII зуун жэлэй 30-дахи онуудаар Буряад-Монголой дайдада эгээл түрүүшын Эргэ Бүргэ дасан Сэлэнгын сонгоолнууд барижа, удаань Балдан Брэйбун гээд нэрлэгдэһэн энэ дасанайнгаа һуурииень урилжа, Хилгантада абаашажа бодхоогоо. 1732 ондо энэ дасанай түрүүшын шэрээтээр Түбэд гэлэн лама Чойдже Агван Пунцук. Байн, 1741 ондо Тамчын дасан баригдаһан юм. Тииһээр XIX зуун жэлэй түрүүшын хахадаар бүхы Буряад-Монголой аймагууд болон отогуудай түбүүдээр дасангууд баригдажа дүүрэһэн байна.

Ямар дасангууд бэ гээд абажа харабал:

Үрэлгын дүүмын харьяата газар дээрэ (Хамнигадай) 6 дасан – Гүнэйн (1802), Тугшанай (1802), Тарбагатайн (1825), Хужартайн (1826), Бэрсын (1828), Улханай (1832).

Захааминай буряадуудай 2 дасан – Санагын (1830), Сээжэ-Бургалтайн (1828-1831).

Түнхэндэ 1 – Хэрэнэй дасан (1817).

Агада 2 дасан – Агын (1811), Сүүгэлэй (1801).

Баргажанда 1 дасан – Баргажанай (1818).

Алайрай хонгоодорнуудай 1 дасан – Алайрай (1814).

Юрөөгэй дасан (1810), Янгаажан дасан (1830), Худариин (1831).

Хори буряадууд 6 дасантай болоно. Дээрэ бэшэгдэһэн гурбан дээрэ Эгэтын (1824-1826), Чисаанын (1828), Асагадай (1831) шэнэ дасангууд нэмэгдэжэ баригдана.

Галуута-Нуурай дасан Буряадай Буддын шажантанай гол дасан болгогдожо, тэрэнэй шэрээтэ Гаван Ишижамсуев Бандида Хамба ламын тушаалтай болоһон байгаа.

Мүнөө үедэ Байгал тойроод дүн хамта 42 дасан, дугангууд хүдэлжэ байдаг.


<< гэдэргээ гаршагсаашаа >>