ЖЭЛЭЭ ОРУУЛАЛГА

Хүн бүхэн арбан хоёр жэл болоод лэ, арбан гурбадахидаа жэлээ оруулдаг юм: арбан гурбанай, хорин табанай, гушан долооной, дүшэн юһэнэй, жаран нэгэнэй, далан гурбанай, наян табанай жэл оруулна. Ерэн долоонойнгоо жэлые үсөөн хүн оруулдаг гэхэдэ алдуу болохогүй. Бүһэтэй хүндэ гушан долоонойнь ба дүшэн юһэнэйнь жэлнүүд ами наһандань түбэгтэй тула нарилжа ябаха ёһотой гээд хэлэгдэдэг.

Жэлээ оруулжа ябаһан хүн ан амита, мал адууһа алахагүй, холо талаар ошохогүй. Илангаяа шасаа (хорюултай) гарагаа сээрлэжэ ябаха, архи уужа, гурим дүримгүйгөөр ябахагүй, ама алдахагүй, бардамлахагүй гээд, олон лэ юумэ сахиха сээрлэхэ ёһотой.

Жэлээ оруулжа байһан хүн халтад гэбэл гэмэлтэжэ, осолтожо гү, али үбдэжэ, үхэжэшье болохо гэдэг. Тиимэһээ хорюултай сээртэй юумые сахюулжа, үхи хүүгэдээ амгалан һайн ябахыень һэргылхэдэ һайн.

Буда-Ханда ЦЫРЕНДОРЖИЕВА