БУРХАНДА МҮРГЭХЭ ЁҺО ЗАНШАЛНУУД

Саг сагай хуралай мүргэлнүүдтэ, бусашье хэрэгээр орон хиидтэ, нютагайнгаа маясада ба хиидтэ эрхэ бэшэ мүргэхэ хэрэгтэй.

Мүргэхэ сагтаа гурбан эрдэниин нэрые дурдажа, өөрынгөэ хэһэн гэм нүгэлөө һанажа, үнэн зүрхэнһөө һүзэглэжэ, табан согсые газарта хүргэжэ яарангүй мүргэхэ хэрэгтэй.

Мүргэлэй ламанарай олон байбашье, урид өөрынгөө нютагай ламада мүргэжэ, адиста хүртэхэ ёһотой.

Орон хиидтэ мүргэлөөр ерэгшэд өөһэдынгөө шадалаар хадаг, мүнгэ, зоос (бутархай алта, мүнгэн), зулын тоһо, хүжэ, хүбэн, манжын һү, саба, сай, түлишэ гэхэ мэтые абажа, гар хооһон бэшээр ерэжэ мүргэхэ хэрэгтэй.

Мүргэлшэн ерэмсээрээ, ороной ламада мүргэжэ, тэндэһээ хиидэй үүдэндэ ерэжэ мүргэхэ, доторнь орожо бурханда мүргөөд, ехэ бага сүмэнүүдые гороолжо мүргэхэ.

Ерэхэ, бусахадаа, орон хиидээ нара зүб тойрохо.

Хиидтэ мүргэлөөр ерэхэдээ, аяга, эрхиеэ абаад, арюун сэбэр хубсаһаяа үмдэжэ, маани мэгзэм али мэдэхэеэ уншажа, зальбарһаар ерэхэ. Ерээд энэ тэрэ уластай ярилсаха хэрэггүй, үнгын юумэ үзэхэ хараха, лама хубарагуудые үлэмжэ хүндэлхэ бишэрэлгүй ябадалые тэбшэжэ, шара улаан хубсаһатаниие орон, хүдөө, хаанашье хүндэлхэһөө гадна, урдуурнь гарахагүй, урдуурнь хүндэлэн гараха бодолтой байгаа һаа, хүлеэжэ, һүүлдэнь гараха ёһотой.

Хиидэй шадар лама хубарагуудай гэртэ хонохогүй.

Лама хубарагуудай дэбисхэр болоод, шара улаан дэбисхэр дээрэ һуухагүй.

Хиидэй орондо ерээд, лама хубарагтай уулзаха үедөө түрүүн үлзытэй, баяртай үгэ хэлэлсэхэ, буса үгөө баймга хэлэхэ ёһотой.

Элдэбын тамхи татахагүй, залуу эхэнэр хүн лама хубарагуудай дэргэдэ, шадар ойро һуухагүй.

Баһа буса дүйсэн сагуудта ба бэшэшье сагуудта үри үгы, ядуу үбшэн, үхэл зоболондо дайрагдаһан, хэлэ аманда дарагдаһан улас орон хиидтэ ерэжэ, гороо мүргэл хэжэ, һанал зоригоо хэлэжэ хэшээбэл, эрхэ бэшэ һанаһан хэрэгынь бүтэхэ ушартай юм.

ЭРДЭНИ МЭРГЭН ЛАМА
"САНДЭЛЭГЭЙ ЛҮНДЭНҺӨӨ"