ГАРАГУУДАЙ ЮРЭНХЫ ШЭНЖЭНҮҮД

Нэгэн (Нима) гараг – гал махабадтай. Шэрээдээ (гэртээ) һууха ба ехэ ламада мүргэхэ гараг. Гал мандал хэхэ, абишиг абаха, (посвящение в ламы, шабгансу или принятие иного обета) хүбүүн түрэхэ, адагууса һургаха, хурим хэхэ, хутаг оршуулха үдэр. Энэ үдэр һайн. Харин ама алдаха, бэриие буулгаха, хубсаһа эсхэхэ, мүр гаргаха – эдэ бүгэдэндэ муу.

Хоёр (Дабаа) гараг – уһан махабадтай, Эхэнэртэ эбигээлтэй (һайн) гараг.Таряа тариха, тогоо нэрэхэ, бэеэ угааха, һамар абаха, уһанда орохо, бэриие буулгаха, хэшэг далгалха, хубсаһа эсхэхэ, худа анда болохо, үһэ һамнаха, абишаг (бэлэг) абаха, арамнай хэхэ, худалдаа эрхилхэ, адагууса һургаха, һахил абаха, шэнэ гэр бариха, Лусадай хааниие (уһанай эзэн) тахихада һайн. Мүр гаргахада хойто, зүүн зүг һайн.

Гурбан (Мягмар) гараг – гал махабадтай Дайша гараг. Сэрэгэй ноён болохо, сэрэгтэ мордохоор забшан заһаха, аба аянда мордохо, түхеэрхэ – эдэ бүгэдэндэ һайн. Бэриие буулгаха, һахил абаха, арамнай хэхэ – эдэ бүгэдэндэ ехэ һайн.

Долоон үбгэн

Мягмар

Дүрбэн (Һагба) гараг – уһан махабадтай. Номгон гараг. Уранда һурахада, эрдэниин хубсаһа эсхэхэдэ, худа анда болоходо һайн. Мүр гаргахада, урда, хойто зүгүүд һайн.

Табан (Пүрбэ) гараг – хии махабадтай. Бодисада­нарай гараг. Тойн болохо, ном буян хэхэдэ, хэшэг абахада, харюулга хэхэдэ, гал мандал хэхэдэ, хубсаһа эсхэхэдэ, бэри буулгахада, таряа тариха, сэрэгтэ мордохо, эрдэмдэ һураха, мал илгаха, модо отолхо, эм найруулха – алибаа эдэ ябадалда һайн.

Зургаан (Баасан) гараг – шорой махабадтай. Эхэнэр хүндэ һайн гараг. Бурхан тахиха, хурим хэхэ, наада найр хэхэ, бэриие абаха, таряа тариха, худалдаа хэхэ, эсхэхэ, үмдэхэ, шэнэ гэртэ орохо – эдэ бүгэдэндэ һайн байха.

Долоон (Бямба) гараг – шорой махабадтай дошхон гараг. Хамаг эд бараанай хэшэг. Шэнэ гэр бариха, тогоо тулга тулгаха, худаг малтаха, хэшэг далгалха, таряа тариха, шэнэ газар заһаха, модо тариха, набша сэсэг тариха үйлэнүүдтэ маша һайн.

“ЯРУУНА” һонин, 1991 оной 8 һарын 29