Хара сагаан үнеэн һүрэг

Хара сарта һартабша хадхажа,

Дүрэтэй номгон унаа болгоод,

Хүзүүндэнь хөөмэгшэ зүүжэ,

Хүдэлмэриин бүхэ мал болгоо.

Хүрин бухамнай хүйхэр мүргэлдөөшэ,

Хүлзэхэдэнь хүзүүнэйнь бүдүүниие гайхааб.

Улаагшан үнеэмнай урда хабар һубайраад,

Мүнөө намар тарган байтаһан болоо.

Хүхэ тугалнай бойлторго зүүгээд,

Хүтэлбэри мэдэдэг болоо ха юм.

Сагаан хашарагнай саада жэлдэ

Гурбан наһатай гунжан боложо,

Гоё һайхан үнеэн гэгдэхэнь.

Ухаа дүнжэн улаахан тугал гаргажа,

Уурагаа һаалгажа, олон хүүгэдые хүндэлөө.

Алагшан үнеэмнай хюһаранаар һаалгажа,

Хюруугай унатар һүеэ татаагүй байһаар.

Эреэгшэн үнеэмнай энэ жэлдэ

Эхир тугал гаргаба.

Буряад үүлтэрэй үхэр. Б. Лхасарановай гэрэл зураг