ХОРИН ШҮДХЭР, ХОЁР ЛАМА

Хоёр гү, али дүрбэн хүн наадажа болохо. Хорин шагай бүхөөрнь өөдэнь, бэе бэедэнь тулгаад, түхэреэлүүлэн табиха. Эдэнь шүдхэрнүүд. Түхэреэнэй нэгэ хажууда, шүдхэрнүүдэй дунда хабшуулаад, хоёр шагай морин болгон бодхожо табиха. Эдэ хоёр лама гээшэ. Хамта хорин хоёр шагай болобо.

Наадагшад али нэгэ шагайһаа эхилээд, тэрэ 22 шагайгаа тооложо эхилхэдээ, нэгэн, хоёр гээд, хургаараа долоо тоодо тудаһан шагайгаа абажа хаяха. Тиигээд саашань нэгэ, хоёр гээд дахин тоолохо. Тиигэ тиигэһээр долоо гэһэн тоонь ошожо, хоёр ламын нэгэндэ тудашоо һаань, гаргаһан шагайнуудаа һөөргэнь байрадань табяад, тоолохоёо болихо. Тиихэдэнь удаадахи хүниинь тоолохо юм. Зүб газарһаа эхилжэ тоолоо һаань, хоёр ламые нэгэшье дайрангүй, хорин шагайнуудаа бултыень гаргаха юм. Тиигэжэ шадаһан наадагша илаһанда тоотой. Иимэ дээрэһээ эхилжэ тоолохо шагайгаа оложо шадаха хэрэгтэй болоно бшуу.

Р-Н. Базаровай гэрэл зураг

Цогто НОМТОЕВ

<< гэдэргээ гаршагсаашаа >>