ТҮҮДЭБШЫН НААДАН

В. Урбазаевай гэрэл зураг

Түүдэбшын наадан болбол ехэ наадан юм. Басаганай хадамдаа хүргэгдэхын урда басаганай түүдэбшын наадан болохо. Мүн сагаалганай түүдэбшын наадан эмхидхэгдэхэ. Айлшан ерэһэн басаганда зорюулжа энэ наадан болохо. Урдандаа түүдэбшын наадан хонин шарууһатай үнгэрдэг байһан юм.

Ямаршье сагта түүдэбшын наада эмхидхэхэдээ, газаа ехэ түүдэбшэ носоожо, тээ саанахана тэргэ абаашажа байлгаад, нааданда хабаадагшад зэргэлжэ хүтэрэлдөөд, хойно хойноһоо субан, бэһэлигэй дуу дуулалдан, гал тэргэ хоёроо нара зүб тойрохо. Энэ нааданда эрэ, эхэнэр зоной хоолой нэгэдүүлэн гоёор дуулалдахадань, сэдьхэл уярма байгша бэлэй.

Цогто НОМТОЕВ