АМИТАНАЙ ШЭНЖЭҺЭЭ



  • Ойн алаг тоншуулай хушуугаа заһахада, дулаан болохо.

  • Хара тоншуулай пишэгэнэн абяа гаража, модонһоо модондо ниидэхэдэ, хүйтэн
    болохо.

  • Модоной түгсэг саһан малгайтай һаа, үһээтэй зун болохо.

  • Хулганын үргэнөө дээрэ хээ һаань, дулаан үбэл, доро хээ һаань, хүйтэн үбэл
    болодог.

  • Хүхын ногоон модондо һуужа донгодоо һаань, үһээтэй жэл, хуурай модондо
    донгодоо һаань, ган жэл болохо.

  • Бахын хүдөө гараа һаань, үһээ (бороо) болохо.

  • Нохойн ногоо эдеэ һаань, бороо орохо.

  • Гахайн үбһэ ногоо байрадаа зөөгөө һаань, хүйтэн болохо.

  • Мориной хуулзуураа татахада, хии бараан болоно.

  • Тохорюунай дээгүүр ниидэжэ, дуу гараа һаань, бороо орохо.

  • Элеэгэй инсагаалхада, бороо орохо.

  • Үхэрнүүдэй һүүлээ үргөөд гүйлдэхэдэ, харалган хүйтэн болодог.

  • Хабартаа үрхын (зумбараа) эшэнһээ боро гараа һаань, ган болохо.

  • Шүрхын һая ерээд байхада алаад, үбсүүень харахада, хахадһаа урагшаа улаан
    байгаа һаа, бороотой, сагаан һаа, ган зун болохо.

  • Михуулын (Май һарын 22-ой) урда тээ хүхын донгодоо һаа, үһээтэй, хойто тээнь
    донгодоо һаань, гандуу байха.

  • Хараасгайнуудай доогуур ниидэхэдэ, бороо орохын шэнжэ.



  • Шоргоолжоной бутадаа обоорхо – бороогой орохын шэнжэ.

  • Гүрөөһэнэй айлай газаа ороходо, үбшэн, үхэл боложо дууһаха гэдэг.

  • Уули шубуунай айлай газаа эшээлхэдэ, үхэл болохо.

  • Шэлүүһэнэй айлай газаа ерэхэдэ, муу ёро гэдэг.

  • Айлай һуужа байһан гэр дээрэ хүхын донгодоходо, гурбан жэлэй туршада хүн үхэхэ.

  • Айлай гэр дээрэ бүбөөлжэнэй бүбэнөө һаань, муу гэлсэдэг.

  • Хүнэй хубсаһа хулганаан эдибэл (хибэбэл), тэрэ хүнэй үбдэхые зүгнэдэг.

  • Хубсаһан соо хулганын түрэбэл, үриин һүлдэ, тэрэ жэлдээ уялгата үхибүүн бии
    болохо.

  • Бахын түрэхые харабал, үнэр баян болохо.

  • Өөрөө үхэһэн бахые олоо һаа, хадагалха, баянай хэшэг (хэдэн үе соо баяжаха).

  • Үлэгшэн нохой айлда ерэжэ түрөө һаа, һайниие харадаг.

  • Нохой, миисгэй айлһаа зугадабал, үбдэхэ, үхэхые зүгнэдэг.

  • Уһые үгсэжэ ерэһэн нохой айлайда байрлахадаа, һайниие харадаг.

  • Нохойн шоношолжо гэгэхэдэ, улихада муу.

  • Хонидой мүргэлдөө һаа, хүйтэн болодог.

  • Аюул зүгнэбэл гү, али аюулай болоходо, амитад хүндэ дүтэлдэг.

  • Нохой һалхи зүгнэхэдөө саһан дээрэ хүльбэрдэг.

  • Шубуудай доогуур ниидэбэл, бороо ородог.

  • Боргооһодой үймэлдэбэл, сэлмэг үдэр болохо.

<< гэдэргээ гаршаг саашаа >>