Улаан зудан (Ехэ боргон). Март

Монгол литээр ТУУЛАЙ һара. Буряадууд УЛААН ЗУДАН гэжэ нэрлэдэг. Март һарада үбэл дүүрээ, хабар эхилээ гэхын аргагүй байдаг. Хэрзэгы шэрүүн уларилтай Сибириин дайдада илангаяа хабартаа эдихэ эдеэ хоолоо, үбһэ тэжээлээ алмаха гээшэ жэлээ амжалтатай дабалгын шухала арга боломжо байдаг. Энэ һарада үбһэн үүсэ хоёр тэнсээд байха ёһотой гэлсэдэг һэн. Мартын 14-нэй үдэрые ород литээр Евдокиин үдэр гээд нэрлэдэг (хуушаараа энэнь мартын 1-эй үдэр). Энэ үдэр хабар эхилнэ гээд тоологдодог байгаа. Буряадууд энэ үдэрые Ёгдохи гэжэ нэрлээд, шубуунай унданай гараа һаа, һайн хабар болохонь гэжэ сэдьхэлээ заһадаг һэн. Үбһэ тэжээлээр элбэгшье һаа гамнадаг, шадаа һаа хурлахые оролдодог байгаа. Мартын 22-һоо үдэр һүни хоёр тэнсэжэ эхилнэ.

Даша-Нима Дондупов