Ехэ бурган (Бага боргон). Апрель

Монгол литээр ЛУУ һара. Буряадууд ЕХЭ БУРГАН гэжэ нэрлэдэг. Урдань буряад зон “Хуаа хагданай һара” гэлсэдэг байгаа. Үбэлэй саһан байбашье, үе сагайнгаа ерэхэдэ хайлажа, горхолон урдадаг. Апрелиин 7-до ородоороо Благовещенье, буряадууд Балгуужан гэдэг байгаа. Балгуужанда балга уһан гараха гэлсэдэг. Энэ хадаа һалхи шуурганай һара. Таряашадай шухала зорилго энэ һарада бэелүүлэгдэнэ.Огородой ургаса ургуулха үедэ парник, шэбхэ, үрэһэ хүрэнгэ бэлдэгдэнэ. Апрель - шарга тэргын, аса тармуурай хуһа бэлдэжэ хатааха үе. Зүгышэн ондо ороһоноо, хэды зүгын бүлын ямараар үбэлжэһэниие шалгана, нэмэлтэ тэжээл хэрэгтэй һаань хэрэглэнэ. Эхынь элүүр һайн байһаниие үзэнэ, сэбэрлэнэ. Хони малаа хагдатай һайн бэлшээридэ гаргана. Үхэр мал һайрамда нэгэ садаха, газар эльгэтэй амитад газараа угзарбал, хээли гүзээгээ дүүргэхэ, эльгэлхэ гэжэ урдын зон хэлсэдэг. Байгаалиин һэрижэ байһан сагта халуун оронһоо шубууд булта шахуу ерэдэг. Хүбсэгэлдэй ерэһээр уурхайгаа түхеэрдэг, хараасгай үдышэг, майн 20-ноор ерэхэ байха. Урдын зоной хэлсэдэгээр апрель һара соо газар доро Гахай багша галаа түлижэ, дулааржа захалдаг юм.

Даша-Нима Дондупов