ЖЭЛТЭЙ ҮБГЭН

(Таабари – онтохон)

Жэлтэй үбгэн гаража ерэбэ. Хамсыгаа һэжэржэ, шубуудые ниидхүүлэн табижа оробо. Шубуудынь өөһэд өөһэдын тусхай нэрэтэйнүүд байба.

Жэлтэй үбгэн нэгэдэхеэ хамсыгаа һэжэрээдхибэ — түрүүшынь гурбан шубууд ниидэжэ гарабад. Хүйтэн жабар үлеэбэ.

Жэлтэй үбгэн хоёрдохёо һэжэрээдхибэ — хоёрдохи гурбаниинь ниидэн гарабад. Саһан хайлажа эхилээд, тала дайдаар ургы сэсэгүүд бултайба.

Жэлтэй үбгэн гурбадахяа һэжэрээдхибэ — гурбадахи гурбаниинь ниидэн гарабад. Халуун, бүгшэм, ааяма халуун болошобо. Таряашад хара таряагаа хадажа захалба. Жэлтэй үбгэн дүрбэдэхеэ һэжэрээдхибэ — үшөө гурбан шубууд ниидэн гарабад. Хүйтэн һалхин үлеэбэ, убһаг бороо адхарба, һаарал манан тунан унаба.

Теэд шубуудынь юрын шубууд бэшэ байгаа. Шубуун бүхэниинь дүрбөөд далитай. Дали бүридэнь долоогоод үдэн, үдэн бүхэниинь баһа өөр өөрын нэрэтэй. Үдэнэйнъ нэгэ хахадынь сагаан, нүгөө хахадынь хара. Шубуунай нэгэ дэбихэлээр — тон һаруул болошоно, хоёрдохёо дэбихэлээрнь — харанхы болошоно. Энэ юун гээшэб?

В. Даль


<< гэдэргээ гаршаг саашаа >>