Зунай зүлгэ ногоон дээр

Зураг шэнги дүхэригөөр

Зоной түрүү хүбүүднай

Золоо туршаад үзэдэг лэ.

Габшагай түргэн хүсэеэ

Гамгүй шадамараар хэрэглээд,

Гаһар томо зариманаа

Газардуулдаг ёһо бии.

Дотор гохо хэхэ,

Доогуур шурган орохо.

Дортобол ташаалха –

Долоон янзын оньһо

Үндэһэн буряад барилдаанда

Үзэгдэхэ даа хүсэдөөр,

Үбгэшүүлшье, омогорхон заримдаа,

Үхибүүдээр носолдохо үсэдөөр.

Гайтай юумэн гэхэдэ,

Газар һабардабал, һалаха

Гани хатуу гуримтай

Галаб сагай барилдаан.

Арсалан, заан бүхэшүүл

Арад соомнай олон даа.

Аза талаангаар заримдаа

Алдар соло ерэдэг даа.