НЭГЭ НАҺАНАЙ ҮЕ ШАТА ТУХАЙ БОДОЛНУУД
 Гэрэл зураг: Александр Князев |  Гэрэл зураг: "Буряадууд" гэһэн гэрэл зурагай сомог |
10 наһан – үүлэгүй арюухан сэлмэг тэнгэри.
20 наһан – хорбоо юртэмсын хонхын жэнгирээн.
30 наһан – гунан дэлхэйе хубилгахаар хүсэтэй.
40 наһан – үсэд нэтэрүүгээр урагшаа жүдхэһэн дүнэн сар шэнги.
50 наһан – ажабайдалай алтан тэнсүүри.
60 наһан – үнгэрһэн үе сагаа үнэн зүбөөр сэгнэхэ.
70 наһан – олон үндэр орьёлтой дабажал гарадаг дабаан.
80 наһан – нахидгүйхэн эгсэ, намарай набшаһандал хэбэрэгхэн.
90 наһан – ехэ буян.
100 наһан – хүн бүхэндэ хүртэшэгүй арюун зулын аласай гэрэл.
 |
| 1. | Нялха наһаяа һанаха |
| Нэгэшье хүниие олохогүйш. (0-1). | |
| 2. | Баабай эжынгээ энхэрэлтэй |
| Балшар наһан жаргалтай. (2-3). | |
| 3. | Хүн болохо багаһаа гээд, |
| Бага наһан шэнжэтэй. (4-7). | |
| 4. | Эдир наһан гээшэмнай |
| Энеэдэ наада элбэгтэй. (8-16). | |
| 5. | Залуу наһан залитай, |
| Зориг хүсэл ехэтэй. (17-30). | |
| 6. | Эдеэтэй наһан эдеэшэг, |
| Хэн болоһониинь мэдээжэ. (31-45). | |
| 7. | Ахамад наһан хүндэтэй, |
| Ажалай ехэ дүршэлтэй. (46-65). | |
| 8. | Хүгшэрхэ наһан бэрхэтэй, |
| Хорбоо юртэмсэ холборхой. (66-75). | |
| 9. | Үтэлхэ наһан үзэгдөө, |
| Үргэмжын үзүүр хэрэгтэй. (76-һаа дээшэ). | |
| 10. | Төөлэжэ табиһан бэеынгээ, |
| Тооложо үгтэһэн наһанайнгаа | |
| Алишье табсанда хүрөөд, | |
| Аргамжын хүсэхые мэдэхэгүйш. | |
2008 он |
|  |
|
Үхинһөө түрэһэн үри – зээ, Зээһээ гараһан — зээнсэр, Зээнсэрһээ үшөө зээнсэр, Хоёрдохи зээнсэрһээ Мүндэлдэг юм аһаансар, Аһаансарһаа баһа аһаансар. Саашаа түрэл бэшэ болодог гэхэл даа. |
 Гэрэл зураг: Оюна Будаева |  Гэрэл зураг: Александр Князев |
|
Аша гээшэ амтатай, Жэшэеэ хараха — жаргалтай, Гуша гээшэ гайхалтай, Дүшэеэ хараха – нүгэлтэй, Ташаяа хараха — түшэгтэй. |
(Дүшэеэ хараһан хүниие толтодожо, хониной һүүлээр амыень таглажа хороодог нүгэлтэй байһан юм гэхэ).
Цырен-Ханда Жамьянова,
Багшын ажалай ветеран
 Гэрэл зураг: Павел Будаев |
| << гэдэргээ | гаршаг | саашаа >> |