Гэрэл зураг:
mongol-gaihamshig.blogspot.com

Алхана уулын үбгэд

Арһа булгайр эсхэжэ,

Ага голой хүгшэд

Азатай зүбөөр хэмжэжэ,

Нохойн тархи һажаалгажа,

Ногто хамар зүһэжэ,

Ноёной шархи хатаалгажа,

Ногоон хабшааһа үдэжэ,

Эрьеын нооһо

Эгсэ отолон хайшалжа,

Эрхы зузаан эрмэг

Эн сасуулан хайража,

Утаһа, шүрбэһэ томожо,

Ута тэбэнэ һабагшалжа,

Угалза, шэрээһэ хадхажа,

Уран гоёолто гаргажа,

Зулаг барижа,

Сабаг залгажа,

Зуузай шэрэжэ,

Сараг холбожо,

Элдэһэн хүмэ эбдэжэ,

Эдеэлдэгдэһэн арһа эсхэжэ,

Эритэ хурса шүбгөөр

Эрид нүхэлжэ,

Эршэлжэ томоһон шүрбэһөөр

Эб зохёожо,

Угалзатай буряад гуталай

Ула шэрэжэ бүтээдэг.

Утаһатай булгайр бойтогой

Уг бэе бүтээдэг.