ЖЭГЖЭДЭЙ ТАРБА

Хориин буряад арадай тон хүндэ үе байгаа. Заседатель Жэгжэдэй Тарба тайшаагай тушаалда оробо. Залуу, үгэдэ бэрхэ, зоригтой Ринчиндоржо тайшаае сэхэ шүүмжэлдэг байһан, зоной тала бариһан шэнгеэр олоной дунда харагдадаг, элдэб болохотой дурадхалнуудые оруулдаг, саг байдалайнгаа гол баридаг, найдабаритай нюур шэнгеэр харагдадаг һэн.

Ринчиндоржо тайшаагай сэбэр, залуу һамган Тарбые һайшаажа, һэшхэлтэй болоһон аад, зүрхэеэ дэлгэн тайшаа үбгэнэйнгөө хүн шанарые хэлэжэ, тэрэнэй муу ааша нюусануудые хоблодог байгаа. Һүүлэй һүүлдэ Тарбын һамган болоо һааб даа.

Энэ ушар «Тайшаагай ташуур» гэжэ Намсарайн Хусын зүжэгһөө һайн мэдэнэбди. Жэгжэдэй Тарба зоной хэрэгтэ хам орон оролдожо, зоной найдал дүүргээгүй, харин хубиингаа хэрэгтэ сагаа үнгэргэдэг байгаа. Хуули бусаар дүүмынгээ мүнгэ үбэршэлөөд, сүүдлүүлжэ, тайшаагай тушаалһаа гаргагдаа.

Цогто НОМТОЕВ,
Буряадай арадай уран зохёолшо