Дарижаб Дамдинов /Ага/
(1912-1942)

“Сэлэнгэ” – шүлэг

Поэт энэ шүлэгөө Сэлэнгэ мүрэндэ зорюулаа. Шүлэг 5 бадагһаа бүридэнэ. Бадаг бүхэниинь 4-4 мүртэй.
Түрүүшын бадаг соо поэт нютагайнгаа халюун дайдые арюудхажа байдаг Сэлэнгэ мүрэндөө хандана.
2-дохи бадагта Ангара, Волго, Енисейнүүд – Сэлэнгын аха дүүнэр. Тэдэнэй мэндые асарһан автор – лирическэ герой болоно.
3-дахи бадаг соогоо шүлэгшэн Сэлэнгэ мүрэндөө захяа – юрөөл табихаяа мэдүүлнэ.
4-дэхи ба 5-дахи бадагууд соо Д. Дамдинов Эсэгэ ороноо хамгаалхаяа мордохо хүбүүдэйнгээ моридыень уһалжа үдэшыш гэжэ Сэлэнгэдээ хандана.
Энэ шүлэг удхаараа хандалга – шүлэг болоно, гражданска лирикэдэ орохо. Сэлэнгэ – энхэргэн эхэ, Эхэ орон.
Поэт буряад шүлэг зохёолгын бүхы аргануудые хэрэглээ.

Халюун талмай, солгёон долгёор – эпитедүүд

Абай суута Гэсэрнүүд (сэрэгшэ хүбүүд) – метафора

Ангара, Волго, Енисейнүүд амар мэндые эльгээгээ – олицетворени.
Нэгэ түрэл гэшүүд

Морид, хүлэг – синонимууд

Аха дүүнэр, захяа юрөөл – эхир үгэнүүд