ГЛАГОЛ
Глагол юумэнэй
үйлэ, байдал тэмдэглээд, юу хэнэб? яанаб? гэһэн асуудалнуудта харюусадаг
хэлэлгын хуби.
Глагол бүридэлөөрөө амяараа ба
суг гээд илгардаг. Амяараа глагол нэгэ үгэһөө бүридэнэ: бэшэнэ, суг глагол 2-3
үгэһөө бүридэнэ: бэшэжэ һууна.
Глагол 4 түхэлтэй: хандаһан түхэл,
мэдүүлһэн түхэл, причасти ба деепричасти.
Хандаһан түхэл 1-дэхи, 2-дохи,
3-дахи нюурта хандаһан (ЗУДХҺГ) захиралта, уряал, дурадхал, хүсэл, һэргылэлгэ,
гуйлта тэмдэглэдэг, 3 нюурта хубилдаг. 1 н. –һуу, -я; 2 н. –ыш, -ыт, -аарай,
-гты; 3 н. –г, -уужа, -һай гэжэ залгалтануудые абадаг.
Мэдүүлһэн түхэл үйлын болоһон
саг харуулдаг, 3 сагта хубилдаг. Мүнөө сагай –на, үнгэржэ байһан –ба, үнгэрһэн
саг –аа, ерээдүй саг –ха залгалтануудые абадаг. Хандаһан ба мэдүүлһэн түхэл мэдүүлэл
соо ехэнхидээ хэлэгшэ болодог.
Причасти юумэнэй нэрэ шэнги 7
падеждэ хубилдаг, 2 хамаадалай залгалтануудые абадаг, глагол шэнги саг харуулдаг
глаголой түхэл.
Причасти 5 илгаатай: үнгэрһэн
сагай –һан, үни үнгэрһэн сагай –нхай, ерээдүй сагай –ха, дабтаһан –даг, шэнжын
–гша, -ааша, -яаша гэһэн залгалтануудые абадаг. Причастинууд мэдүүлэл соо ехэнхидээ
элирхэйлэгшэ ба хэлэгшэ болодог.
Деепричасти дүүрээгүй удхатай
үйлэ харуулдаг, хубилдаггүй глаголой түхэл. Деепричастинууд 10 илгаатай: илгаһан–аад, холбоһон –жа, ниилэһэн –н, үргэлжэлһэн –һаар, зорилгын –хаа, болзоогой–бал, уридшалһан –мсаар, -халаар, хизаарлаһан –тар, зуурандын –нгаа, шэлэһэн–нхаар гэжэ залгалтануудаар гарадаг. Үргэлжэлһэн, болзоогой, уридшалһан, хизаарлаһан
деепричастинууд 2 хамаадалай залгалтануудые абадаг.
Деепричастинууд мэдүүлэл соо
ехэнхидээ ушарлагша болодог.
УРДАХИ ҺЭДЭБ | ХҮСЭНЭГТЭ | УДААДАХИ ҺЭДЭБ |