Уг гарбалаа һайн мэдэхэ хэрэгтэй. Юундэб гэхэдэ долоон үе соогоо түрэл зоной үхибүүд хоорондоо айл болоо һаа, уг муудаха гэлсэдэг. Худал, хараал, хатуу, зальхай үгэнүүд хэлээрээ хэдэг нүгэлнүүд гэжэ мэдэхэ хэрэгтэй. Түрэл нютагтамнай саг соогоо бороо орог лэ, арад зомнай зол жаргалтай ажаһууг лэ, хизаар оромнай һалбаран бадараг лэ гэһэн гуйлтатайгаар обоо тахихадаа, сабдагуудта хандадаг байна.