Алхана хадаа Буддын шажанай хойто талын табан ехэ һүзэгтэй газарнуудай нэгэн болоно. Шажанай заабаряар^[1] , Алхана уулын эзэндэ^[2] үргэл хэхэдэ, Үүдэн Сүмөөр^[3] Ойхон олтирогой эзэндэ^[4] хүрэдэг юм. Иихэдээ бүгэдэ буряад зон Байгал далайтаяа^[5] холбоотой байһаниинь эли. Алхана хадаа хоёр байдалнуудай уулзалга дээрэ байдаг: хойноһоонь хүбшэ тайга, урдаһаань Түб Азиин тала һалаатан ороно. Россиин шэнжэлхэ ухаанай академиин шэнжэлэлгын дүнгүүдээр^[6] гурбан зуун дүшэн янзын ургамал олдоһон, зуун наяниинь эмдэ^[7] ородог юм. Зуун далан нэгэн янзын хорхой шумуул, шубууд, хорин гурбан янзын ан амитад, арбан долоон янзын загаһад бии гэжэ элирүүлэгдээ. Жэл бүри эндэ гушаад мянган зон аршаанда^[8] амархаяа, арга хэхэеэ ерэдэг.