Дасхал 6

Мэдүүлһэн түлэбтэ байһан үйлэ үгэнүүдые илгагты.

Буурал сагаан Байгал ори ганса Ангар дүүхэй басагандаа ехэ дуратай, тэрэнээ бөөмэйлдэг, эрхэлүүлдэг бэлэй. Тиигэһээр басагаяа хадамда үгэхэ саг ерэбэ. Байгал шадарай зүг бүхэндэ эрын гурбан нааданай уряал тараба. Энэ наадан дээрэ Байгалай ганса басаганай нүхэр болохо хүбүүе шэлэхэ гэжэ соносхогдобо. Байгалда зүг бүхэнһөө хүрьгэн болохо һанаатай хүбүүд хойно хойноһоо һубарилдан хүрэжэ ерэбэд. Алдарта Эрхүү баатар Хүбсэгэл хоёр хурдан моридоороо гүйлгэлдэн ерэбэд, сэбэр шарайтай Ангар, мэргэн ангуушан Котокель ба бэшэдшье морилбод. Эрын гурбан наадан эхилбэ, теэд хэншье залуу басаганай дура татанагүй. Хойто холын хүсэтэ баатар Енисей Ангар дүүхэйн зүрхые эзэлһэн байгаа.